Re: [Wikiml-l] തൃശ്ശൂർ വിക്കിഫേസ് പ്ലസ്സ്

ആവശ്യമെങ്കിൽ മറ്റു സൈറ്റുകളുമായി ബന്ധപ്പെടുത്തിക്കൂടാ എന്ന അസ്വാതന്ത്ര്യം പോലും ഇല്ലാത്തത്ര വിശാലമാണു് വിക്കിപീഡിയയുടെ സ്വാതന്ത്ര്യം എന്നു കൂടി ഓർക്കുവാൻ അഭ്യർത്ഥിക്കുന്നു. ഈ പ്ലസ് പോസ്റ്റ് കാണുക. https://plus.google.com/u/0/115541604225191674412/posts/2mN4Fa8vLNM തൃശ്ശൂരിലുള്ള പ്ലസ്സർമാരൊക്കെ അതിൽ ഒരു കൂട്ടമായി എത്തിപ്പെട്ടിരുന്നു. ആ സന്ദർഭം പ്രയോജനപ്പെടുത്തി വിക്കിപീഡിയ പിറന്നാൾ ആഘോഷത്തിനു് ഒരു പ്രാദേശിക ഇനം കൂടി ആവാമെന്നു് തോന്നിയ ആശയം അവിടെത്തന്നെ ചേർത്തതിന്റെ അനുബന്ധമാണു് ഈ മെയിൽ. ഈ പരിപാടി ഒരു ആശയമെന്ന നിലയിൽ അവതരിപ്പിച്ചിട്ടേ ഉള്ളൂ. ഏകദേശം വിജയകരമായി നടത്താനാവുമെന്നു പ്രതീക്ഷ കൈവന്നാൽ, കൂടുതൽ ഔപചാരികമായ പ്രചരണം നടത്താമെന്നാണു കരുതുന്നതു്. ഇത്തരത്തിലുള്ള, വ്യത്യസ്തവും വിവിധങ്ങളുമായുള്ള പരിപാടികൾ സംസ്ഥാനത്തിന്റെ വിവിധഭാഗങ്ങളിൽ ആർക്കൊക്കെ സ്വന്തം നിലയ്ക്കോ സംഘടിപ്പിച്ചോ രണ്ടോ മൂന്നോ മാസം ചെയ്തുകൊണ്ടിരിക്കാവുന്നതാണു് എന്നാണു് എന്റെ അഭിപ്രായം. വെറും നാലുപേർ കൂടിയാലും അതൊരു വിക്കി ഇനമാക്കി അവതരിപ്പിക്കാനും പ്രചരിപ്പിക്കാനും കഴിയണം. *വിക്കിവനയാത്ര*, *വിക്കിവായനായജ്ഞം*, *വിക്കി ക്വിസ്* തുടങ്ങി *വിക്കിയോട്ടം *, *വിക്കി ഫ്ലാഷ് മോബ്* വരെ നമുക്കു നടത്താനാവും. അതാതു പരിപാടികൾക്കു് ഒറ്റയ്ക്കൊറ്റയ്ക്കോ ഒരുമിച്ച് ആസൂത്രണം ചെയ്തോ, ഏകദേശ ബഡ്ജറ്റോടെ ഗ്രാന്റ് അപേക്ഷകൾ തയ്യാറാക്കി ഡിസമ്പർ 10നു മുമ്പായി സമർപ്പിക്കുകയാണെങ്കിൽ ചിലവുകളുടെ ഭൂരിഭാഗവും വിക്കിമീഡിയ ചാപ്റ്റർ വഹിക്കുന്നതായിരിക്കും. വിക്കിപീഡിയയിൽ അത്യാവശ്യം ഇടപെടുന്ന ഉപഭോക്താക്കൾക്കു് സ്വന്തം നിലയ്ക്കോ കൂട്ടായോ ഇത്തരം അപേക്ഷകൾ ന്യായവും യുക്തവുമായ ബഡ്ജറ്റുകളോടെ സമർപ്പിക്കാവുന്നതാണു്. (താമസം, ഉയർന്ന ശ്രേണിയിലുള്ള യാത്രാചെലവുകൾ തുടങ്ങിയ ഉൾപ്പെടാതെ, രശീതികൾ കാണിക്കാവുന്ന ചെലവുകൾക്കു് മുൻഗണന). സാമാന്യമായി പറഞ്ഞാൽ, സജീവമായി പങ്കെടുക്കുന്ന ആളൊന്നുക്കു് ഏകദേശം 200/250 രൂപ എന്ന ക്രമത്തിൽ 5000- 10,000 വരെയുള്ള തുകകൾ ഓരോ ജില്ലാടിസ്ഥാനത്തിലും പ്രതീക്ഷിക്കാവുന്നതാണു്. മലയാളം വിക്കിപീഡിയയുടെ പത്താം വാർഷികം എന്ന പരിപാടിയുമായി ബന്ധപ്പെടുത്തിയുള്ള ഇത്തരം അപേക്ഷകൾക്കു് അംഗീകാരം നേടാൻ ചാപ്റ്ററിനുള്ളിൽ ഒരു എക്സിക്യൂട്ടീവ് അംഗം എന്ന നിലയിൽ എന്നെക്കൊണ്ടു കഴിയാവുന്നത്ര പ്രേരണ നൽകാനാവും. -വിശ്വം 2012/11/29 Vaishak Kallore <vaikoovery(a)gmail.com> _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l