അറിഞ്ഞോ..
ഇംഗ്ലീഷില് നിന്നും മലയാള വിവര്ത്തനം വിരല്തുമ്പില് ലഭ്യമാക്കുമത്രേ....
പക്ഷെ സൗജന്യമായി കിട്ടില്ല.ഭാഷാ ഇന്സ്റ്റിട്ട്യൂട്ട് നവമ്പര് ഒന്നിന്
പുറത്തിറക്കാന് പോകുന്ന ഈ സോഫ്ട് വെയറിന് നിശ്ചിത ഫീസ് നല്കണമെത്രെ..
വാര്ത്ത കോപ്പി ചെയ്യാന് പറ്റാത്ത വിധത്തില് ഡ്യൂള് ന്യൂസില്
കൊടുത്തിട്ടുണ്ട്.
http://www.doolnews.com/english-malayalam-new-software-paribhasha234.html
--
സസ്നേഹം
അക്ബറലി ചാരങ്കാവ്
ഡിസംബർ 21/22 സമയം എല്ലാവ്ർക്കും സൗകര്യമാണോ? കഴിഞ്ഞ വട്ടം കുറേയധികം പേർ
അസൗകര്യം പറഞ്ഞതിനാലാണ് അവധിക്കാലമായ ഏപ്രിൽ മെയ് മാസങ്ങളിലേക്ക് പരിപാടി
മാറ്റിയത് എന്ന് ഓർക്കുന്നു. മാത്രമല്ല പരിപാടി തീരുമാനിച്ച് താൾ
തുടങ്ങിയതും<https://ml.wikipedia.org/w/index.php?title=%E0%B4%B5%E0%B4%BF%E0%B4%95%E0%B…>പരിപാടിയും
തമ്മിൽ ഏകദേശം നാലു മാസത്തെ സമയം ഉണ്ടായിരുന്നു.
> വിക്കി സംഗമോത്സവത്തിന് ഈ സി.ഡി. യും തെരഞ്ഞെടുത്ത വിക്കിലേഖനങ്ങളുടെ
> സി.ഡിയും കുറച്ച് പതിപ്പുകള് ലഭ്യമാക്കാമോ...? സാമ്പത്തിക സമാഹരണമാണ് ലക്ഷ്യം.
>
ഗ്രന്ഥശാല സിഡിയേക്കാൾ പണിയുണ്ട് വിക്കിപീഡിയ സിഡിക്ക്. അതിന് വളരെയധികം
പേരുടെ കൂട്ടായ പ്രയത്നം വേണം. മാത്രമല്ല ധാരാളം സമയവും വേണം. അതിനാൽ
സംഗമോത്സവത്തിനു ഇനി അധികം നാൾ ഇല്ലാത്തതിനാൽ വിക്കിപീഡിയ സിഡിയ്ക്കായി
നോക്കാതിരിക്കുന്നത് ആണ് നല്ലത്. കൂടുതൽ കൃതികൾ ഉൾപ്പെടുത്തി കെട്ടും മട്ടും
മെച്ചപ്പെടുത്തി (ഉദാഹരണത്തിനു യൂണിക്കോഡ് ഉള്ളടക്കത്തിനു പുറമേ,
ഉൾപ്പെടുത്തുന്ന കൃതികളുടെ സ്കാനും ലഭ്യമാക്കാം, ഗ്രന്ഥശാലയിലെ ഉള്ളടക്കം
ഉപയോഗിച്ച് സായാഹ്ന ഫൗണ്ടെഷൻ നിർമ്മിച്ച പിഡിഎഫ് ഉൾപ്പെടുത്താം) ഗ്രന്ഥശാല
സിഡിയുടെ പുതിയൊരു പതിപ്പ് ഇറക്കുന്നതാവും അല്പം കൂടി നല്ലത്.
സാമ്പത്തിക സമാഹരണം ആണ് ലഭ്യമെങ്കിൽ ലോഗോകൾ ഉൾപ്പെടുത്താൻ പറ്റില്ല എന്ന
പരിമിതി ഉണ്ട്. കാരണം പരമാവധി പ്രൊഡക്ഷൻ കോസ്റ്റ് മാത്രം ഈടാക്കാനേ ഫൗണ്ടെഷൻ
അനുമതി തരികയുള്ളൂ.
സാമ്പത്തികം മറ്റ് ഇടങ്ങളിൽ നിന്ന് സംഘടിപ്പിച്ച്, സിഡി വില്പനിഅയിൽ കൂടുതൽ
ശ്രദ്ധ കേന്ദ്രീകരിക്കാതെ നൂതനമായ പരിപാടികൾ ആവിക്ഷക്കരിക്കുക. ഉദാഹരണത്തിനു
പരിപാടി നടക്കുന്ന സ്ഥലം കേന്ദ്രീകരിച്ച്
https://outreach.wikimedia.org/wiki/GLAM/QRpedia ഈ മാതൃകയിൽ ഒരു പരിപാടി
ചെയ്യാം. പിന്നെ ഇതിനകം നിർദ്ദേശം വെച്ചിരിക്കുന്ന വിക്കി ജലയാത്ര പോലുള്ള
വ്യത്യ്സതമായ പരിപാടികൾ ആവിഷ്ക്കരിക്കാം.
2013/10/16 Adv. T.K Sujith <tksujith(a)gmail.com>
> വെറുതേ തല്ലൂകൂടി സമയവും ഊര്ജ്ജവും പാഴാക്കിക്കളയല്ലേ ചങ്ങാതിമാരേ... അത്
> ഇവിടെ വളരെ ആവശ്യമുണ്ട്, പാഴാക്കിക്കളേയേണ്ടതല്ല :)
>
> വിക്കി സംഗമോത്സവത്തിന് ഈ സി.ഡി. യും തെരഞ്ഞെടുത്ത വിക്കിലേഖനങ്ങളുടെ
> സി.ഡിയും കുറച്ച് പതിപ്പുകള് ലഭ്യമാക്കാമോ...? സാമ്പത്തിക സമാഹരണമാണ്
> ലക്ഷ്യം.
>
> രണ്ടു സി.ഡി. കളും ചേര്ത്ത് പരമാവധി 50 രൂപ ചെലവില് ഉല്പാദിപ്പിക്കാന്
> കഴിഞ്ഞാല് 100 രൂപ വിക്കിസംഗമോത്സവത്തിലേക്ക് സംഭാവന വാങ്ങി അവ പൊതു
> ജനങ്ങള്ക്കിടയില് ചെലവാക്കണമെന്ന് കരുതുന്നു. സംഗമോത്സവ നടത്തിപ്പിന്റെ
> ചെലവിന്റെ ഒരു ഭാഗം ഇത്തരത്തിലുള്ള തനത് വരുമാനത്തിലൂടെ കണ്ടെത്തണമെന്നാണ്
> ആഗ്രഹം.
>
> ഇത്തരത്തില് 100 രൂപയുടെ സി.ഡി കിറ്റ് ആലപ്പുഴയില് കുറഞ്ഞത് 500 എണ്ണം
> ചെലവാക്കാന് കഴിയും. മറ്റുജില്ലകളിലും സംവിധാനങ്ങളിലുംകൂടെ മറ്റൊരു 500
> എണ്ണവും ചെലവാക്കാന് കഴിഞ്ഞാല് 50000 രൂപ ആ ഇനത്തില് കിട്ടും വലിയ
> തലവേദനയില്ലാതെ പരിപാടികള് നടത്തിക്കൊണ്ടുപോകാന് കഴിയും.
>
> ഈ സംരംഭത്തെക്കുറിച്ച് പരാതികളും പരിഭവങ്ങളും മാറ്റിവെച്ച് എല്ലാവരും
> അഭിപ്രായം പറയണേ... പരമാവധി പേര് എല്ലാത്തരം സഹായങ്ങളും ചെയ്യുകയും വേണം...
>
> സ്നേഹത്തോടെ,
> സുജിത്ത്
>
>
പ്രസിദ്ധീകരണത്തിന്
മലയാളത്തിലെ ഏറ്റവും വലിയ ഇന്റര്നെറ്റ് വിവരശേഖരണിയായ വിക്കിപീഡിയയുടെ
മലയാളം പതിപ്പിന്റെ വാര്ഷിക സംഗമം - വിക്കിസംഗമോത്സവം 2013 ന് സ്വാഗതമരുളാന്
ആലപ്പുഴയില് സംഘാടകസമിതി രൂപീകരിച്ചു. ലോകത്തിന്റെ വിവിധ ഭാഗങ്ങളില് നിന്നും
മലയാളം വിക്കിപീഡിയയില് ലേഖനങ്ങളെഴുതുന്ന വിക്കിമീഡയരും വിക്കിപീഡിയ
വായനക്കാരും ഡിസംബര് 21, 22 തീയതികളില് ആലപ്പുഴ വൈ.എം.സി.എ ഹാളിലാണ്
ഒത്തുചേരുന്നത്.
ലോകവിജ്ഞാനത്തിന്റെ ആകെത്തുക എല്ലാമനുഷ്യര്ക്കും പ്രാപ്യമാക്കുവാനായി വിജ്ഞാന
സ്വാതന്ത്ര്യം എന്ന ലക്ഷ്യത്തോടെയാണ് വിക്കിസംരംഭങ്ങള്
പ്രവര്ത്തിക്കുന്നതെന്ന് സംഘാടക സമിതി രൂപീകരണത്തില് മലയാളം വിക്കിപീഡിയ
പരിചയപ്പെടുത്തിക്കൊണ്ട് മലയാളം കമ്പ്യൂട്ടിംഗ് വിദഗ്ദ്ധന് കെ.വി.
അനില്കുമാര് അഭിപ്രായപ്പെട്ടു. വിക്കിസംഗമോത്സവത്തിന്റെയും
അനുബന്ധപരിപാടികളുടെയും വിശദീകരണം വിക്കിനിഘണ്ടു അഡ്മിനിസ്ട്രേറ്റര്
വിശ്വപ്രഭ നടത്തി. ഡിസംബര് 21 മലയാള ഭാഷയും വിക്കിപീഡിയയും എന്ന
വിഷയത്തിലുള്ള പൊതുസെമിനാര്, വേമ്പനാടുള്പ്പെടുന്ന തണ്ണീര്ത്തട വിവരങ്ങളുടെ
ഡിജിറ്റൈസേഷന്, വിക്കിവിദ്യാര്ത്ഥി സംഗമം, വിക്കിയുവസംഗഗമം തുടങ്ങിയവ
അനുബന്ധപരിപാടികളുടെ ഭാഗമായി നടത്തും. ആലപ്പുഴയിലെ ചരിത്രപ്രാധാന്യമുള്ള
സ്ഥലങ്ങളുടെയും വസ്തുതകളുടെയും ക്യു. ആര്. കോഡ് ഉപയോഗിച്ചിട്ടുള്ള
ഡിജിറ്റൈസേഷന്, വിക്കിപീഡിയ തിരുത്തലില് പ്രായോഗിക പരീശീലനം തുടങ്ങിയവയും
ഇതിന്റെ ഭാഗമായി ഉണ്ടാകുമെന്ന് അദ്ദേഹം പറഞ്ഞു.
വിക്കിപീഡിയ അഡ്മിനിസ്ട്രേറ്റര് കണ്ണന് ഷണ്മുഖം, പ്രൊഫ. എസ്. അജയകുമാര്,
എം. ഗോകുമാര്, എ.ആര്. മുഹമ്മദ് അസ്ലം, എന്. സാനു, പി.എസ്. ജോയി
തുടങ്ങിയവര് സംസാരിച്ചു.
സംഘാടക സമിതി ഭാരവാഹികളായി കേന്ദ്രമന്ത്രി കെ.സി. വേണുഗോപാല്, ഡോ. ടി.എം.
തോമസ് ഐസക് എം.എല്.എ. ജി. സുധാകരന് എം.എല്.എ (രക്ഷാധികാരികള്) എം.
ഗോപകുമാര് (ചെയര്മാന്) കണ്ണന് ഷണ്മുഖം, എ.ആര് മുഹമ്മദ് അസ്ലം, ജി. മോനി
(വൈസ് ചെയര്മാന്മാര്), അഡ്വ. ടി.കെ. സുജിത് (ജന.കണ്വീനര്), എം. രാജേഷ്,
കെ. ഒ. രാജേഷ് (കണ്വീനര്മാര്), അഡ്വ. എം. പി. മനോജ്കുമാര് (ട്രഷറര്)
എന്നിവരെയും
ഉപസമിതി ചെയര്മാന് കണ്വീനര് എന്നിവരായി യഥാക്രമം എം.സി പ്രസാദ്, വി.
സന്തോഷ് (പരിപാടി), പി.വി. വിനോദ്, എന്. സാനു (സാമ്പത്തികം) പ്രൊഫ. എസ്.
അജയകുമാര്, ആര്. രഞ്ജിത്ത് (അനുബന്ധപരിപാടികള്), ആര്. ശ്രീജിത്ത്, പി.എസ്.
ജോയി (ക്യു.ആര്. പീഡിയ) വി.കെ. ആദര്ശ്, കെ. സുബിന് (മീഡിയ), ജയന്
ചമ്പക്കുളം, ഗോപു. ടി.ജി (പ്രചരണം) പി.വി. ജോസഫ്, ഡി. സുധീഷ് (ഭക്ഷണം), അഡ്വ.
എ. ഫ്രാന്സിസ് മംഗലത്ത്, ടോണി ദേവസ്യ (രജിസ്ട്രേഷന്) ആര്. റിയാസ്, പി.
ജ്യോതിരാജ് (വേദി), കെ. ബാബു, കെ.എം. താഹിര് (സന്നദ്ധ പ്രവര്ത്തകരുടെ
ഏകോപനം), സുലൈമാന്, വി.എ. ഫിലിപ്പ് (താമസം) എന്നിവരെയും തെരഞ്ഞെടുത്തു.
വിക്കിസംഗമോത്സവം സംഘാടക സമിതിക്കുവേണ്ടി
അഡ്വ. ടി.കെ. സുജിത്ത്
(9846012841)
https://ml.wikipedia.org/wiki/WP:WS2013
--
Adv. T.K Sujith | *അഡ്വ. ടി.കെ സുജിത്*
Alappuzha, Kerala | *ആലപ്പുഴ, കേരളം*
09846012841
--------- Forwarded message ----------
From: Devumol .
Date: 2013/10/7
Subject: Re: Note for SMC's 12th Year Program wiki track
Dear anivar
See below note
======================
സ്വതന്ത്രമലയാളംകമ്പ്യൂട്ടിങ്ങ് ഒരു വ്യാഴവട്ടം പിന്നിടുന്നുവെന്നറിഞ്ഞു്
ആത്മാര്ത്ഥമായി സന്തോഷിക്കുന്നു .മലയാളം വിക്കിപ്രവര്ത്തകസംഗമത്തോടും
അനുബന്ധ ചര്ച്ചയിലോട്ടും എന്നെ വിളിച്ചതിനു നന്ദി .
മലയാളത്തില് എഴുതുന്നതുമുഴുവന് പുസ്തക വിപണിയുടെ രീതിയുടെ സാമ്പ്രദായിക
വഴിയില്നിന്നു മാറി ജനങ്ങളിലേക്കു നേരിട്ടെത്തിക്കുക എന്ന സ്വപ്നം
സഫലമാക്കാന് എന്നെ സഹായിച്ച ഈ പ്രസ്ഥാനത്തോടും മലയാളം വിക്കിഗ്രന്ഥശാല
സമൂഹത്തിനോടും ഏറെ നന്ദിയും കടപ്പാടും ഉണ്ട്. ഇംഗ്ലീഷില് എഴുതുന്നതു്
കോപ്പിലെഫ്റ്റ് ആക്കാന് പരിമിതികള് പലതുണ്ട് . പ്രത്യേകിച്ചും അക്കാദമിക്
രംഗത്തു് ചുവടുറപ്പിക്കാന് ശ്രമിക്കുന്നവര്ക്ക് . എന്നാല്
മലയാളത്തിലെഴുതുന്ന ഒന്നിനും സത്യത്തില് അത്തരം വിലക്കോ പരിമിതികളോ ബാധകമല്ല.
മലയാളത്തില് എഴുതിയ പുസ്തകങ്ങളെ പ്രസാധകരുടെ ഇഷ്ടാനിഷ്ടങ്ങള്ക്ക്
വിധേയമല്ലാത്ത രീതിയില് -തികഞ്ഞ ബൌദ്ധിക സ്വാതന്ത്ര്യത്തോടെ -
അവതരിപ്പിക്കാന് കഴിയുമെന്നു എനിക്കു കാട്ടിത്തന്നത് സ്വതന്ത്രമലയാളം
കമ്പ്യൂട്ടിങ്ങും വിക്കി ഗ്രന്ഥശാല പ്രവര്ത്തകരുമാണ്.
"കുലസ്ത്രീയും ചന്തപ്പെണ്ണും ഉണ്ടായതെങ്ങനെ" എന്ന എന്റെ പുസ്തകത്തെ
പ്രസാധനത്തിന്റെ മുഖ്യ-ചെറു ധാരകളില് നിന്നു രക്ഷപ്പെടുത്തിയത് സ്വതന്ത്ര
ലൈസന്സിങ്ങാണ്. എന്നാല് അതുമൂലം പുസ്തകത്തിന്റെ വിപണിമൂല്യം ഇടിഞ്ഞില്ലെന്നു
മാത്രമല്ല രണ്ടുപതിപ്പുകള് വെറും ആഴ്ചകള്ക്കുള്ളില് വിറ്റഴിയുകയും ചെയ്തു .
ആ പുസ്തകം ഇപ്പോഴും ഓണ്ലൈനില് വിക്കി ഗ്രന്ഥശാലയില് ലഭ്യമാണെങ്കിലും
മൂന്നാമതൊരു പ്രിന്റ് പതിപ്പ് ഇറക്കാന് താല്പര്യപ്പെട്ടുകൊണ്ട് നിരവധി
പ്രസാധകര് മുന്നോട്ടു വന്നുകഴിഞ്ഞു. കേരള ശാസ്ത്ര സാഹിത്യ പരിഷത്തിനു്
അതിനനുവാദം നല്കാനുള്ള തയ്യാറെടുപ്പിലാണ് ഞാനിപ്പോള്
സതീഷ് ദേശ്പാണ്ഡെ രചിച്ച Contemporary India : A Sociological View എന്ന
പുസ്തകത്തെ മലയാളത്തിലേക്കു വിവര്ത്തനം ചെയ്യുന്ന ശ്രമത്തിലാണു ഞാനിപ്പോള്.
അത് ഏതാണ്ട് പൂര്ത്തിയായിക്കൊണ്ടിരിക്കുന്നു .ഈ പുസ്തകവും കോപ്പിലെഫ്റ്റ്
ആവുമെന്നു സന്തോഷപൂര്വ്വം അറിയിച്ചുകൊള്ളുന്നു . കേരളത്തില് പഠനം നടത്തുന്ന
സാമൂഹ്യശാസ്ത്ര വിദ്യാര്ത്ഥികള്ക്ക് പൊതുവേ ഉപകാരപ്രദമായ ആമുഖ ഗ്രന്ഥമാണിത്.
ഇംഗ്ലീഷ് പതിപ്പിലില്ലാത്ത വളരെ വിസ്തൃതമായ പദസൂചി കൂടി ഈ പുസ്തകത്തില്
ചേര്ത്തിട്ടുള്ളതുകൊണ്ട് മലയാളം സംസാരിക്കുന്ന വിദ്യാര്ത്ഥികള്ക്ക് ഈ
പുസ്തകം പ്രത്യേകം ഗുണകരമാവും . ഈ പുസ്തകത്തിന്റെ പ്രസാധകര് കേരള ശാസ്ത്ര
സാഹിത്യ പരിഷത്താണു്. ഈ പുസ്തകം കോപ്പിലെഫ്റ്റ് ചെയ്യാനുള്ള നീക്കത്തെ അവര്
നിരുപാധികം പ്രോത്സാഹിപ്പിക്കുകയാണുണ്ടായതു് .അവര്ക്കും അതിനു പ്രത്യേകം
നന്ദി പറഞ്ഞുകൊള്ളുന്നു.
ഇനിയുള്ള എന്റെ ബൌദ്ധിക ജീവിതത്തിന്റെ നല്ലൊരു പങ്ക് പരിഭാഷകള്ക്കായി
മാറ്റിവെക്കണമെന്നും അവയെല്ലാം അതാതു് ഒറിജിനല് ഓതറുടെ സമ്മതംകൂടി വാങ്ങി
കോപ്പിലെഫ്റ്റ് ആക്കണമെന്നും ഞാന് ആഗ്രഹിക്കുന്നു . ആയിരം വൃക്ഷം
നട്ടവര്ക്ക് ജന്മജന്മാന്തര ചക്രത്തില് നിന്നു മുക്തിയുണ്ടാവുമെന്നു
പാഞ്ഞതുപോലെ , പത്തു നല്ല പുസ്തകം എഴുതി, അല്ലെങ്കില് പരിഭാഷപ്പെടുത്തി
കോപ്പിലെഫ്റ്റ് ആക്കി വരും തലമുറകള്ക്കായി ലഭ്യമാക്കുകയാണു് അക്കാദമിക്
രംഗത്തുള്ളവര്ക്ക് മുക്തിമാര്ഗ്ഗമെന്നു കരുതുന്നതുകൊണ്ട് മലയാളം
വിക്കിഗ്രന്ഥശാലയും സ്വതന്ത്രസോഫ്റ്റ്വെയര് സ്വതന്ത്ര ലൈസന്സിങ്ങ്
മേഖലയില് പ്രവര്ത്തിക്കുന്നവരും സ്വതന്ത്രപുസ്തകങ്ങളുടെ പ്രസാധകരും
ഇനിയുമിനിയും ഉയരങ്ങളിലെത്തണമെന്ന് ഞാന് ആഗ്രഹിക്കുന്നു
വിക്കിപ്രവര്ത്തക സംഗമത്തിനും ഒരു വ്യാഴവട്ടം ആഘോഷിക്കുന്ന
സ്വതന്ത്രമലയാളംകമ്പ്യൂട്ടിങ്ങിനും എല്ലാവിധ ആശംസകള് നേര്ന്നുകൊണ്ട്
ജെ. ദേവിക,
സെന്റര് ഫോര് ഡെവലപ്മെന്റ് സ്റ്റഡീസ്
*വിക്കി സംഗമോത്സവം 2013 ന്റെ പ്രാദേശിക സംഘാടക സമിതി രൂപീകരണയോഗം ഒക്ടോബര്
23, ബുധന് വൈകിട്ട് 4 ന് ആലപ്പുഴ പരിഷദ്ഭവനില് ചേരുന്നു. എല്ലാവര്ക്കും
സ്വാഗതം.
വിശ്വപ്രഭ, കെ.വി. അനില്കുമാര് തുടങ്ങിയവര് പരിപാടികള് അവതരിപ്പിക്കും.
കഴിയാവുന്നവരെല്ലാം എത്തിച്ചേരുമല്ലോ ...*
*നോട്ടീസ് പൂര്ണ്ണരൂപം താഴെ കൊടുക്കുന്നു.
*
*കൂടുതല് വിവരങ്ങള്
ഇവിടെയുള്ള<https://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95…>പദ്ധതി
താളില് കാണുക
*
പ്രിയ സുഹൃത്തേ,*
*
ഇന്റര്നെറ്റ് അവലംബമാക്കി പ്രവര്ത്തിക്കുന്ന അനന്യമായ സ്വതന്ത്ര
സര്വ്വവിജ്ഞാനകോശമാണ് വിക്കിപീഡിയ. മലയാളം വിക്കിപീഡിയ എഴുത്തുകാരുടെ -
വിക്കിപീഡിയ
ഉപയോക്താക്കളുടെ - പ്രതിവർഷ കൂടിച്ചേരലായ “വിക്കിസംഗമോത്സവം - 2013”-ന് ഇത്തവണ
വേദിയാകുന്നത് ആലപ്പുഴ നഗരമാണ്.
ലോകമെമ്പാടുമുള്ള വിക്കിപീഡിയര് കൂട്ടായി രചിക്കുന്ന വിക്കിപീഡിയയിലെ
ലേഖനങ്ങള്, ഇന്ന് വിദ്യാര്ത്ഥികളുടെയും ബഹുജനങ്ങളുടെയും പ്രിയങ്കരവും
വിശ്വസനീയവുമായ ഓൺലൈൻ വിജ്ഞാന സ്രോതസ്സായി മാറിയിരിക്കുന്നു.
വിക്കിസംഗമോത്സവത്തില് വിക്കിപീഡിയന്മാരുടെയും വിക്കിവായനക്കാരുടെയും
കൂടിച്ചേരലിന് പുറമേ ഇ-മലയാളം, വിദ്യാഭ്യാസരംഗത്തെ വിക്കിപീഡിയ, വൈജ്ഞാനിക
വ്യാപനത്തിനുതകുന്ന സാങ്കേതികവിദ്യ, തുടങ്ങി വിവിധ വിഷയങ്ങളിലുള്ള
പ്രബന്ധാവതരണങ്ങളും ചര്ച്ചകളുമുണ്ടാകും. മലയാള ഭാഷയില് വിക്കിപീഡിയയുടെ
പ്രാധാന്യം സംബന്ധിച്ച പൊതു സെമിനാര് വേമ്പനാടുള്പ്പെടുന്ന തണ്ണീർത്തട
വിവരങ്ങളുടെ ഡിജിറ്റൈസേഷന്, ആലപ്പുഴയിലെ ചരിത്ര സ്ഥലങ്ങളുടെയും
വസ്തുതകളുടെയും ക്യു.ആര് കോഡുമുഖേനയുള്ള ഡിജിറ്റൈസേഷന് തുടങ്ങിയവ ഇതിന്റെ
ഭാഗമായി വിഭാവനം ചെയ്യുന്നുണ്ട്. വിക്കിപീഡിയ തിരുത്തലിൽ പ്രായോഗിക പരിശീലനവും
ഇതോടൊപ്പം ഉണ്ടാകും.
ഡിസംബർ 21, 22 തീയതികളില് ആലപ്പുഴയിൽ നടക്കുന്ന വിക്കി സംഗമോത്സവം
വിക്കിപീഡിയയുടെ വളര്ച്ചയില് ഒരു നാഴികകല്ലായി മാറുമെന്ന് മലയാളം
വിക്കിസമൂഹം പ്രതീക്ഷിക്കുന്നു. ഈ മഹോത്സവത്തിന്റെ ഭാഗമായി, വിക്കിപീഡിയയുടെ
സാദ്ധ്യതകള് ആലപ്പുഴനിവാസികളിലേക്ക് എത്തിക്കുവാനും, ആലപ്പുഴയുടെ ചരിത്രവും
വിജ്ഞാനവും ഈ വിജ്ഞാനകോശത്തിലേക്ക് ഉള്ച്ചേര്ക്കുവാനും കഴിയണമെന്ന് ഞങ്ങള്
ആഗ്രഹിക്കുന്നു.
കേരളത്തിനകത്തും പുറത്തുമായി വിക്കിപീഡിയയില് സന്നദ്ധപ്രവര്ത്തനം
നടത്തുന്നവരുടെ ഈ കൂടിച്ചേരല് വിജയിപ്പിക്കുന്നതിനെക്കുറിച്ച്
ആലോചിക്കുന്നതിനും സംഘാടകസമിതി രൂപീകരണത്തിനുമായി *ആലപ്പുഴ പരിഷദ്ഭവനില്
ഒക്ടോബര്* *23 **വൈകിട്ട് **4 **ന് *ചേരുന്ന യോഗത്തില് താങ്കള്
സുഹൃത്തുക്കള്ക്കൊപ്പം പങ്കെടുക്കണമെന്ന് സവിനയം അഭ്യര്ത്ഥിക്കുന്നു.
സ്നേഹാദരങ്ങളോടെ,
മലയാളം വിക്കി സമൂഹത്തിനുവേണ്ടി
*അഡ്വ*. *ടി*.*കെ*. *സുജിത്ത്*
(help(a)mlwiki.in)
(http://ml.wikipedia.org)
*ജില്ലാക്കോടതിക്ക് പടിഞ്ഞാറ്**, **എന്**.**ബി**.**എസിനും എസ്**.**ഡി**.**വി*
*. **സെന്ട്രല് സ്കൂളിനും ഇടയിലുള്ള റോഡിലൂടെ വരുമ്പോഴാണ് പരിഷത്
ഭവന്**. **കൂടുതല്
വിവരങ്ങള്ക്ക് വിളിക്കുക **: 9847868039, 9846012841*
--
Adv. T.K Sujith | *അഡ്വ. ടി.കെ സുജിത്*
Alappuzha, Kerala | *ആലപ്പുഴ, കേരളം*
09846012841
ഫേസ്ബുക്ക് പോസ്റ്റ് :
https://www.facebook.com/photo.php?fbid=1459883030903793
തൃശ്ശൂര് കോടാലി എല്.പി.സ്കൂളിലെ എന്റെ ഗുരുദക്ഷിണ പുസ്തകമിതാ... ആര്ക്കും
പകര്ത്തിയെടുക്കാം, വീണ്ടും ഉപയോഗിക്കാം. തീര്ത്തും കോപ്പിലെഫ്റ്റ്,
പകര്പ്പവകാശം തുലയട്ടെ!
കോടാലി സ്കൂളിലെ പുസ്തകസമര്പ്പണ പരിപാടി നാളെയില്ല. പുതിയ തിയതി പിന്നാലെ...
മഴവില്ല് കണ്ടിട്ടുണ്ടോ?
മഴവില്ലിന് ഏഴാണ് നിറങ്ങള്. വിബ്ജിയോര് എന്നു കേട്ടിട്ടുണ്ടാവുമല്ലോ-
വയലറ്റ്, ഇന്റിഗോ, ബ്ലൂ, ഗ്രീന്, യെല്ലോ, ഓറഞ്ച്, റെഡ്. എങ്ങനെയാണ് ഈ ഏഴു
നിറങ്ങളില് മഴവില്ലുണ്ടായത്? അതിനെ കുറിച്ചുമുണ്ടൊരു നാടോടിക്കഥ.
പണ്ട് പണ്ട് മനുഷ്യര് ജീവിച്ചിരുന്നത് പല നിറത്തിലുള്ള കുന്നുകളിലായിരുന്നു.
വയലറ്റ് കുന്ന്, ഇന്റിഗോ കുന്ന്, നീല കുന്ന്, പച്ച കുന്ന്, മഞ്ഞ കുന്ന്,
ഓറഞ്ച് കുന്ന്, ചുവപ്പു കുന്ന് - ഇങ്ങനെ. നീലക്കുന്നില് എല്ലാം നീലയാണ്. നീല
അമ്പലം, നീല പള്ളി, നീല അച്ഛന്, നീല അമ്മ, നീല പൂച്ച, നീല മുയല്, നീല
കാല്പന്ത്, നീല മാഷ് - എല്ലാം നീലമയം. പച്ചക്കുന്നില് എല്ലാം പച്ചയാണ്. പച്ച
വികാരി, പച്ച സന്യാസി, പച്ച ഏട്ടന്, പച്ച അനിയത്തി, പച്ച പട്ടം, പച്ച വീട്,
പച്ച ടീച്ചര്-എല്ലാം പച്ചമയം. പച്ച, പച്ചയാണ് ദൈവമനുഗ്രഹിച്ച നിറമെന്നു
പച്ചക്കുന്നുകാര് വിശ്വസിച്ചു. നീലയും മഞ്ഞയും ചുവപ്പും പാപമെന്നും. നീല,
നീലയാണ് ദൈവത്താല് തെരഞ്ഞെടുക്കപ്പെട്ട ഏക നിറമെന്നു നീലക്കുന്നുകാര്
വിശ്വസിച്ചു. പച്ചയും മഞ്ഞയും ചുവപ്പും കാണരുതാത്ത നിറങ്ങളാണെന്നും.
ഒരു ദിവസം വൈകീട്ട് പച്ച കുന്നിലെ ഒരച്ഛനും മകനും പച്ചകുന്നിന്റെ ചെരിവിലൂടെ
നടക്കാനിറങ്ങി: മകനേ, പച്ചയൊഴിച്ച് മറ്റൊരു നിറവും നോക്കി പോകരുത്.
മറ്റേതെങ്കിലും നിറങ്ങള് കണ്ണില് പെട്ടാല് കണ്ണു പൊത്തിയേക്കണം.
ഇല്ലെങ്കില് മറ്റൊന്നും കാണാന് നിന്റെ കണ്ണവശേഷിക്കയില്ല. കണ്ണുപൊട്ടനായി
ശിഷ്ടകാലം ജീവിക്കേണ്ടിവരും. ഇങ്ങനെ വര്ത്തമാനം പറഞ്ഞ് പച്ചക്കുന്നിലെ
അച്ഛനും മകനും നടന്നുകൊണ്ടിരിക്കേ പെട്ടെന്ന് നീലപ്പട്ടവും പറപ്പിച്ച് ഒരു
നീലക്കുട്ടി അവര്ക്കരികിലൂടെ ഓടിപ്പോയി. പച്ചക്കുട്ടി ആദ്യമായി നീല നിറം
കാണുകയായിരുന്നു. ഹായ് നീല, എത്ര നല്ല നിറം. ഇതുപോലൊരു നീലപ്പട്ടം
കിട്ടിയിരുന്നെങ്കില്! പച്ചക്കുട്ടി ആലോചിക്കാന് തുടങ്ങിയപ്പോഴേക്കും പച്ച
അച്ഛന് മകന്റെ കണ്ണുപൊത്തി ഉന്തിത്തള്ളി വീട്ടിലേക്കു വലിച്ചിഴച്ചു: ഹാവൂ,
രക്ഷപ്പെട്ടു. ദൈവാനുഗ്രഹം! നിന്റെ കണ്ണിന് കാഴ്ച നഷ്ടപ്പെട്ടില്ലല്ലോ, അല്ലേ?
എന്നാല് ആ നീലക്കുട്ടിയും നീലപ്പട്ടവും പച്ചക്കുട്ടിയുടെ മനസ്സില്
ഓടിക്കൊണ്ടിരുന്നു: ഹാ, നീലപട്ടം പറത്തുന്ന ആ നീലക്കുട്ടിയെ ഒരിക്കല് കൂടി
കാണാനായെങ്കില്! തന്റെ അച്ഛനെ കൂടാതെ പിറ്റേന്ന് വൈകീട്ട് പച്ചക്കുട്ടി
നടക്കാനിറങ്ങി. തന്റെ പച്ച മുയലിനേയും കളിപ്പിച്ച്, ഒറ്റയ്ക്ക്. പെട്ടെന്ന്
അവനൊരു ശബ്ദം കേട്ടു: ഹായ്, എത്ര നല്ല പച്ചമുയല്! ഞാനൊന്നു തൊട്ടോട്ടെ?
നീലക്കുട്ടിയും അവന്റെ അച്ഛനും നടക്കാനിറങ്ങിയതായിരുന്നു. നീല അച്ഛന് തന്റെ
മകന്റെ കണ്ണുപൊത്തി ഉന്തിത്തള്ളി വീട്ടിലേക്ക് വലിച്ചിഴച്ചു: ഹാവൂ,
രക്ഷപ്പെട്ടു! ദൈവാനുഗ്രഹം! നിന്റെ കണ്ണിന് കാഴ്ച നഷ്ടപ്പെട്ടില്ലല്ലോ, അല്ലേ?
എന്നാല് ആ പച്ചക്കുട്ടിയും പച്ചമുയലും നീലക്കുട്ടിയുടെ മനസ്സില് കുസൃതിയോടെ
ഓടിക്കൊണ്ടിരുന്നു. അവനാദ്യമായി പച്ചനിറം കാണുകയായിരുന്നു: ഹാ, പച്ച മുയലിനെ
കളിപ്പിക്കുന്ന ആ പച്ചക്കുട്ടിയെ ഒരിക്കല് കൂടി കാണാനായെങ്കില്! തന്റെ
അച്ഛനെ കൂടാതെ പിറ്റേന്നു വൈകീട്ട് നീലക്കുട്ടി നടക്കാനിറങ്ങി. തന്റെ നീല
കാല്പന്തും തട്ടിക്കളിച്ചുകൊണ്ട്, ഒറ്റയ്ക്ക്. പെട്ടെന്ന് അവനൊരു ശബ്ദം
കേട്ടു: ഹായ്, എത്ര നല്ല നീല കാല്പന്ത്! എന്നേയും കളിക്കാന് കൂടെ കൂട്ടാമോ?
പച്ചക്കുട്ടിയും നീലക്കുട്ടിയും ആദ്യമായി പരസ്പരം കാണുകയാണ്. തങ്ങള് പരസ്പരം
കണ്ടുകൂടാത്തവരെന്നും പരസ്പരം നോക്കിപ്പോയാല് കണ്ണ് പൊട്ടിപ്പോകുമെന്നും
പെട്ടെന്നവരോര്ത്തു. ഇരുവരും തിരിഞ്ഞോടി. പരിഭ്രമിച്ച്, പേടിച്ച് ...
കണ്ണുകള് പൊത്തിയുള്ള ആ ഓട്ടത്തിനിടയില് ഇരുവരും, പാവങ്ങള്, ഓരോ കുഴിയില്
വീണു. ഭാഗ്യം, നീലക്കുട്ടി ഒരു ചെറിയ കുഴിയിലാണ് വീണത്. ഒരുവിധം അവന് ആ
കുഴിയില്നിന്ന് പിടിച്ചു മുകളിലേക്കു കയറി: ഹാവൂ, എത്ര വലിയ അത്യാഹിതത്തില്
നിന്നാണ് രക്ഷപ്പെട്ടത്! പക്ഷേ പച്ചക്കുട്ടിയെവിടെ? കണ്ണുകള് പൊത്തിയുള്ള
ഓട്ടത്തിനിടയില് അവനും ഏതെങ്കിലും പൊട്ടക്കുഴിയില് വീണുകാണുമോ? എന്നെ കണ്ട്
പരിഭ്രമിച്ചാണല്ലോ അവന്, ദൈവമേ!
അപ്പോള് നീലക്കുട്ടി ഒരു ഞരക്കം കേട്ടു. അത് തൊട്ടപ്പുറത്തു പൊട്ടക്കുഴിയില്
നിന്നായിരുന്നു. ആ വലിയ കുഴിയില് വീണുപോയതായിരുന്നു പച്ചക്കുട്ടി. അവന്
ഒറ്റക്ക് രക്ഷപ്പെടുക എളുപ്പമല്ലായിരുന്നു. നീലക്കുട്ടി ഓടിച്ചെന്ന് അവനൊരു കൈ
നീട്ടിക്കൊടുത്തു. നീലക്കുട്ടിയുടെ കൈ നീണ്ടുവന്നപ്പോള് പച്ചക്കുട്ടി
പേടിച്ചു നിലവിളിച്ചു: എന്തിനാണവന്റെ കൈ നീണ്ടുവരുന്നത്, എന്നെ കഴുത്തു
ഞെരിച്ചു കൊല്ലാനോ? പൊട്ടിച്ചിരിച്ചുകൊണ്ട് നീലക്കുട്ടി വിളിച്ചു പറഞ്ഞു:
എന്റെ കൈപിടിച്ച് കേറിപ്പോരെടാ മണ്ടച്ചാരേ. ഞാനെന്തിന് നിന്റെ കഴുത്ത്
പിടിച്ച് ഞെരിക്കണം?
നീലക്കുട്ടിയുടെ കൈ പിടിച്ച് മെല്ലെ പച്ചക്കുട്ടി കുഴിയില്നിന്ന് മുകളിലേക്ക്
പിടിച്ചുകയറി. അവര് പരസ്പരം ആലിംഗനബദ്ധരായി. ആദ്യമായിട്ടാണ് ആ
കുന്നുകള്ക്കിടയില് രണ്ട് നിറത്തിലുള്ള കുട്ടികള് കെട്ടിപ്പിടിക്കുന്നത്.
പച്ചക്കുട്ടിയുടെ കാല്മുട്ട് പൊട്ടി ചോരയൊലിക്കുന്നത് അപ്പോഴാണ്
നീലക്കുട്ടിയുടെ ശ്രദ്ധയില് പെടുന്നത്. പെട്ടെന്നവന് തന്റെ നീലക്കുപ്പായം
കീറി പച്ചക്കുട്ടിയുടെ കാല്മുട്ടില് ഒരു കെട്ടുകെട്ടി: വീട്ടില്പോയി
നന്നായി ഡ്രസ് ചെയ്തോളൂ. സെപ്റ്റിക്കാവാതെ നോക്കണേ. നീലക്കുട്ടി
പച്ചക്കുട്ടിയെ യാത്രയാക്കി. കീറിയ ഷര്ട്ടുമായി നീലക്കുട്ടി വീട്ടിലേക്കു
തിരിച്ചു. കാല്മുട്ടില് നീലക്കെട്ടുമായി മുടന്തിമുടന്തി പച്ചക്കുട്ടിയും :
തങ്ങളുടെ അച്ഛന്മാരെ എങ്ങനെ നേരിടേണ്ടൂ?
എങ്കിലും പരസ്പരം കണ്ടതിന്റേയും കെട്ടിപ്പിടിച്ചതിന്റേയും ആഹ്ലാദം
അവരിരുവര്ക്കും മറച്ചുവെയ്ക്കാനായില്ല: അച്ഛാ അച്ഛാ, അമ്മേ അമ്മേ, ഞാനിന്ന്
മറ്റേക്കുന്നിലെ കുട്ടിയെ... അവരുടെ അച്ഛനമ്മമാര്ക്കും ഇതൊരു പുതിയ
അറിവായിരുന്നു. അവര് പരസ്പരം വീടുകളില് പോയി. അപ്പോള് പുതിയ സൗഹൃദത്തിന്റെ
ഓര്മ്മയ്ക്ക് നീല വീടിനു മുകളില് ഒരു പച്ച തുണിക്കഷണം കൊടിയായി
പാറുന്നുണ്ടായിരുന്നു. പച്ച വീടിനു മുകളില് ഒരു നീല തുണിക്കഷണവും.
അങ്ങനെ പച്ചക്കുന്നിലെ മനുഷ്യര് നീലക്കുന്നിലെ മനുഷ്യരുമായി സൗഹൃദത്തിലായി.
വയലറ്റ് കുന്നിലെ മനുഷ്യര് ചുവപ്പു കുന്നിലെ മനുഷ്യരുമായും മഞ്ഞ കുന്നിലെ
മനുഷ്യര് ഓറഞ്ച് കുന്നിലെ മനുഷ്യരുമായും.
എല്ലാ കുന്നുകളിലേയും കുട്ടികള് പല നിറത്തിലുള്ള ജഴ്സികളുമണിഞ്ഞ് ഒരുമിച്ച്
കാല്പന്തു കളിക്കാന് തുടങ്ങി. കുന്നിന്ചരിവില് പല നിറത്തിലുള്ള കുഞ്ഞു
മുയലുകള് ഓടിക്കളിക്കാന് തുടങ്ങി. ആകാശത്ത് പല നിറത്തിലുള്ള പട്ടങ്ങള്
പറന്നു നടന്നു. പട്ടങ്ങളുടെ നൂലുപിടിച്ച് നീല നിറത്തിലുള്ള കുട്ടികളും പച്ച
നിറത്തിലുള്ള കുട്ടികളും പല നിറങ്ങളിലുള്ള കുട്ടികളും സന്തോഷത്തോ ടെ കൈത്താളം
പൂട്ടിയും തോളില് കയ്യിട്ടും വര്ത്തമാനം പറഞ്ഞ് കളിച്ചു
ചിരിച്ചുകൊണ്ടിരുന്നു.
അവരുടെ വീടുകളിലേക്ക് നോക്കൂ. പച്ച വീടിനു മുകളില് നീലക്കൊടി. നീല
വീടിനുമുകളില് പച്ചക്കൊടി. മഞ്ഞ വീടിനു മുകളില് ഓറഞ്ച് കൊടി. ഓറഞ്ച് വീടിനു
മുകളില് വയലറ്റ് കൊടി... ഇങ്ങനെ, ഇങ്ങനെ...
ഏദനില് നിന്ന് പുറത്താക്കപ്പെട്ടിട്ടും മനുഷ്യര് ആഹ്ലാദചിത്തരായി ഒരുമയോടെ
ജീവിച്ചു കൊണ്ടിരിക്കുന്നു എന്നറിഞ്ഞ ദൈവം സന്തുഷ്ടനായി. പല നിറത്തിലുള്ള
കുന്നുകള്ക്കും വീടുകള്ക്കും മുകളില് പാറിക്കൊണ്ടിരിക്കുന്ന പല
വര്ണ്ണങ്ങളിലുള്ള കൊടികള് ദൈവത്തെ കൂടുതല് സന്തോഷഭരിതനാക്കി. മനുഷ്യര്ക്കു
മാത്രമല്ല എല്ലാ ജീവജാലങ്ങള്ക്കും ഇക്കാലത്തേക്കു മാത്രമല്ല എക്കാലത്തേക്കും
ഈ പല നിറക്കൊടികള് ഉയര്ന്നു പാറുന്നത് മാതൃകയാവണമെന്ന് ദൈവമാഗ്രഹിച്ചു.
ദൈവം ചക്രവാളത്തില് നിന്നും ചക്രവാളത്തിലേക്ക് ഈ പലനിറ കൊടികളെല്ലാം
ഒരുമിച്ചു ചേര്ത്തു വലിച്ചുകെട്ടി: നോക്ക്, മനുഷ്യരും ഇതര ജീവജാലങ്ങളും,
ഇക്കാലമല്ല എക്കാലവും, ഭൂമിയില് മാത്രമല്ല ഇതര ഗ്രഹങ്ങളിലും, എങ്ങനെ
ഒത്തൊരുമയോടെ, ആഹ്ലാദത്തോടെ, സൗഹൃദത്തോടെ കഴിയണമെന്ന് മാതൃകയായതാ ആകാശത്തില്
സപ്തവര്ണ്ണ മഴവില്ല്. ഹായ്, ഹായ്!
Manoj.K/മനോജ്.കെ
www.manojkmohan.com
https://www.facebook.com/photo.php?fbid=570213689705260
സുഹൃത്തുക്കളെ, കഴിഞ്ഞ 35 വര്ഷമായി കേരളത്തിലെ കാടുകളിലൂടെ ഞാന് അലഞ്ഞു
നടക്കുന്നു. അതിനിടയില് നമ്മുടെ വന്യജീവികളെ ഫോട്ടോഗ്രാഫുകളിലൂടെ
രേഖപ്പെടുത്തിയിട്ടുണ്ട്, ഇതെല്ലാം സ്വന്തം ചിലവില് തന്നെയായിരുന്നു. കഴിഞ്ഞ
വര്ഷം വനം വകുപ്പിന് ഫോട്ടോ കൊടുത്തില്ല എന്നു പറഞ്ഞ് എന്റെ കാടുകയറ്റങ്ങളെ
തടസ്സപ്പെടുത്തുവാനുള്ള ശ്രമങ്ങള് ഉണ്ടായി. വനം വകുപ്പിന്റെ മിക്ക വന്യജീവി
സങ്കേതങ്ങളിലും സ്വന്തം ചിലവില് ചിത്രങ്ങള് സൗജന്യമായി കൊടുത്ത ഒരാളാണ്
ഞാന്. എന്റെ ചിത്രങ്ങള് പേര് വെക്കാതെ വനം വകുപ്പ് ഉള്പ്പെടെ ചിലര്
വില്ക്കുന്നതായും പ്രസിദ്ധീകരിച്ചതായും അറിയാന് കഴിഞ്ഞു. അത്തരത്തില്
ആരെയും ഞാന് ചുമതലപ്പെടുത്തിയിട്ടില്ല. ഇരുനൂറോളം ഹൈ റെസലൂഷനിലുള്ള (40 എം.ബി
വരെ) ചിത്രങ്ങള് ലോകത്തിലെ ഏതൊരാള്ക്കും എടുക്കുകയോ പ്രിന്റ് ചെയ്യുകയോ
ഒക്കെ ചെയ്യാവുന്ന രീതിയില് മലയാളം വിക്കീപീഡിയയില് കൊടുത്തിട്ടുണ്ട്. അത്
അവര് ലോകത്തിനു തുറന്നുവെച്ചിട്ടുണ്ട്, അതില് ഒറ്റ നിബന്ധനയെ അവര്
ആവശ്യപ്പെട്ടുന്നുള്ളൂ, എടുത്തയാളുടെ പേര് അതില് രേഖപ്പെടുത്തണം. ഈ
ചിത്രങ്ങള് സൗജന്യമായി ആര്ക്കും ഡൗണ്ലോഡ് ചെയ്യാവുന്നതാണ്.
എന്ന് സ്നേഹപൂര്വ്വം
*എന് എ നസീര്*
ടൈംസ് ഓഫ് ഇന്ത്യയില് ഇതുമായി ബന്ധപ്പെട്ട് വന്ന വാര്ത്ത :
http://timesofindia.indiatimes.com/city/thiruvananthapuram/Success-for-Mala…
Manoj.K/മനോജ്.കെ
www.manojkmohan.com
>
> കഴിഞ്ഞ തവണ ഇതെല്ലാം നടപ്പായത് ക്ലോസ്ഡ് ത്രഡുകളിലൂടെയാണ്. എങ്ങനെയാണ്
> ഇതിന്റെ കാര്യങ്ങളെന്ന് അതില്പ്പുറത്തുള്ള ഒരാള്ക്ക് അറിയില്ല. അതുതന്നെയാണ്
> ഇതുപോലുള്ള പദ്ധതികള്ക്ക് തുടര്ച്ചയില്ലാതെ പോകുന്നതെന്ന് വിചാരിക്കുന്നു.
>
ഇത് വളരെ വളരെ അനാവശ്യവും അസംബന്ധവും ആയ പ്രസ്താവന ആണ്. ഞാനാണ് ആദ്യത്തെ
വിക്കിപീഡിയ സിഡിയുടേയും, ആദ്യത്തെ ഗ്രന്ഥശാല സിഡിയുടേയും എല്ലാ വിധ പണികളും
ഏകോപ്പിച്ചത്. അതിനാൽ തന്നെ ഈ ആരോപണത്തിനു മറുപടി പറയേണ്ട ബാദ്ധ്യതയും
എനിക്കുണ്ട്.
ഇതിൽ വിക്കിപീഡിയ സിഡിയുടെ
പദ്ധതിതാളിലും<https://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95…>അതിന്റെ
സംവാദം
താളിലും
<https://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95…>ഇത്
സംബന്ധിച്ച എല്ലാം ഡോക്കുമെന്റ് ചെയ്തിരിക്കുന്നത് കാണാം. അതിനു പുറമേ ഇതു
സംബധിച്ച *വിശദമായ വർക്ക് ഫ്ലോ* എന്റെ ബ്ലൊഗിൽ ഡോക്കുമെന്റ്
ചെയ്തിരിക്കുന്നത്<http://shijualex.in/creating-malayalam-wikipedia-cd/>കാണാം.
അതിന്റെ ടെക്നിക്കൽ സംഗതികൾ സന്തൊഷിന്റെ
ബ്ലോഗിൽ ഡോക്കുമെന്റ്
<http://thottingal.in/blog/2010/04/17/mlwikioncd/>ചെയ്തിരിക്കുന്നത്
കാണാം.
ഇനി ഇതിന്റെ തുടർച്ചയായി 2011-ൽ വന്ന വിക്കി ഗ്രന്ഥശാല സിഡിയുടെ പദ്ധതി താളിൽ
അതുമായി ബന്ധപ്പെട്ട കാര്യങ്ങൾ ഡോക്കുമെന് റ്ചെയ്തിരിക്കുന്നത് ഇവിടെ
കാണാം<https://ml.wikisource.org/wiki/%E0%B4%B5%E0%B4%BF%E0%B4%95%E0%B5%8D%E0%B4%9…>.
(വിക്കിപീഡിയ സിഡിയിൽ നിന്ന് അത്ര വ്യത്യസ്ത വർക്ക് ഫ്ലോ ഒന്നും ഇല്ല ഇതിനും)
അതിനെ കുറിച്ച് എന്റെ ബ്ലോഗ് പോസ്റ്റ്
<http://shijualex.in/creating-malayalam-wikisource-cd/>ഇവിടെ കാണാം.
സാങ്കേതിക വശത്തെ കുറിച്ച് സന്തോഷിന്റെ പോസ്റ്റ്
ഇവിടെ<http://thottingal.in/blog/2011/06/11/malayalam-wikisource-offline-version/>കാണാം.
ഇതിൽ കൂടുതലൊക്കെ ഡോക്കന്മെന്റ് ചെയ്യാൻ മാത്രം കാര്യങ്ങൾ ഇപ്പൊഴത്തെ എസ് എംസി
പരിപാടിയുമായി ബന്ധപ്പെട്ട് ചെയ്ത സിഡിക്ക് ഉണ്ടെങ്കിൽ അതൊക്കെ വിവിധ ഇടങ്ങളിൽ
ചെയ്ത് അത് ലഭ്യമാക്കണം.എന്നിട്ട് വിക്കി സിഡി റിലീസ് പ്രളയം ഉണ്ടാക്കാം.
തുടർച്ചകൾ ഇല്ലാതെ പോകുന്നത് ഈ പരിപാടി മെയിലിങ്ങ് ലിസ്റ്റ്/സോഷ്യൽ മീഡിയ
ആക്ടിവിസം പോലെ എളുപ്പമല്ലാത്തതു കൊണ്ടാണ്. വ്യത്യസ്ത സ്വഭാവമുള്ള, വ്യത്യസ്ത
ബാക്ക് ഗ്രൗണ്ടിൽ നിന്നുള്ള, വ്യത്യസ്ത ആദർശങ്ങൾ വെച്ച് പുലർത്തുന്ന നിരവധി
പേരെ ഏകോപിച്ച് കൊണ്ടു പോകാൻ കഴിയണം. പല കാര്യങ്ങൾക്കും വിട്ടു വീഴ്ച ചെയ്യണം.
മാത്രമല്ല ഓരോന്ന് ചെയ്യുമ്പോഴും സന്നദ്ധപ്രവർത്തകർക്ക് ഉത്തേജിപ്പിക്കുന്ന
എന്തെങ്കിലും പുതിയ കാര്യങ്ങൾ വേണം. അതൊക്കെ ഒത്തു വരുമ്പോഴേ ഇങ്ങനെയുള്ള
കാര്യങ്ങൾ നടക്കൂ. അല്ലാതെ ലിസ്റ്റിൽ ഒരു മെയിൽ അയച്ചത് കൊണ്ട് സിഡി
ഉണ്ടാവില്ല. സോഫ്റ്റ് വെയർ ഉപയോഗിച്ച് ഓട്ടോ മേറ്റ് ചെയ്ത് സിഡി റിലീസ്
നടത്തണെമെങ്കിൽ kiwix റിലീസ് നടത്തിയാൽ മതി
ഇത്രയൊക്കെ ഡോക്കുമെന്റ് ചെയ്തിട്ടും ഈ വക കാര്യങ്ങൾ മറ്റ് ഇന്ത്യൻ ഭാഷകളിൽ
ഒന്നും ഇതു വരെ നടന്നില്ല എന്നതും കാണുക.
ഇതൊന്നും കാണാതെ വെറുതെ *ഇതെല്ലാം നടപ്പായത് ക്ലോസ്ഡ്
ത്രഡുകളിലൂടെയാണ്*എന്നൊക്കെ ആരോപിക്കുമ്പോൾ ഇതിനു മുൻപ് മലയാളം
വിക്കിസമൂഹം നടത്തിയ പരിപാടികളെ
മൊത്തം അവഹേളിക്കുകയാണ് അതിലൂടെ ചെയ്യുന്നത്.
2013/10/16 manoj k <manojkmohanme03107(a)gmail.com>
>
> 2013/10/16 praveenp <me.praveen(a)gmail.com>
>
> വേണ്ടത്ര മുന്നൊരുക്കങ്ങളോ, സംശോധനമോ, തയ്യാറെടുപ്പോ, പങ്കാളിത്തമോ ഇല്ലാത്ത
>> ഇൻസ്റ്റന്റ് പരിപാടികൾ, അത്തരം പരിപാടികൾ നടത്തുന്നവർ അവരവരുടെ സ്വന്തം പേരിൽ
>> നടത്തുന്നതാവും നല്ലത് എന്നെന്റെ അഭിപ്രായം.
>>
>
> മുന്നൊരുക്കങ്ങള് അത്യാവശ്യത്തിന് നടത്തിയിരുന്നു. സംശോധനം എത്രത്തോളം
> നടന്നിട്ടുണ്ടെന്ന് സമീപകാല മാറ്റങ്ങള് നോക്കിയാല് മനസ്സിലാക്കാവുന്നതാണ്.
> കഴിഞ്ഞ വിക്കിസംഗമത്തിന് സിഡി ഇറക്കാനായി പലരേയും സമീപിച്ചിരുന്നു.
> അന്നുമുതല് ഇതിനെക്കുറിച്ചുള്ള തയ്യാറെടുപ്പുകളായിരുന്നു. ഇതിനുപയോഗിക്കേണ്ട
> സ്ക്രിപ്റ്റിനെ സംബന്ധിച്ച് കുറച്ച് കാര്യങ്ങള് പങ്കുവച്ചതില് കവിഞ്ഞ് ഒരു
> വിധത്തില് സന്തോഷ് ഇതുമായി സഹകരിച്ചില്ല. ഉണ്ടായിരുന്ന ബഗ്ഗുകള്
> തിരുത്തുകയും തുടങ്ങി കുറച്ചധികം ടെക്നിക്കള് പ്രശ്നങ്ങളുണ്ടായിരുന്നു.
> ഋഷികേശാണ് ഇതിന് ഹെല്പ്പ് ചെയ്തത്.
>
> ഇതേസംബന്ധിച്ചുള്ള കാര്യങ്ങള് പരമാവധി ലിസ്റ്റിലൂടെ ചര്ച്ച ചെയ്യാന്
> ശ്രമിച്ചിട്ടുണ്ട്.പക്ഷേ വിചാരിച്ച പോലെ പങ്കാളിത്തമുണ്ടായില്ല.(പല മെയിലുകളും
> പേഴ്സണല് ആയി അയച്ചാല് മറുപപടികള് കിട്ടുന്നുമുണ്ടായിരുന്നു.)
> കഴിഞ്ഞ തവണ ഇതെല്ലാം നടപ്പായത് ക്ലോസ്ഡ് ത്രഡുകളിലൂടെയാണ്. എങ്ങനെയാണ്
> ഇതിന്റെ കാര്യങ്ങളെന്ന് അതില്പ്പുറത്തുള്ള ഒരാള്ക്ക് അറിയില്ല. അതുതന്നെയാണ്
> ഇതുപോലുള്ള പദ്ധതികള്ക്ക് തുടര്ച്ചയില്ലാതെ പോകുന്നതെന്ന് വിചാരിക്കുന്നു.
>
> പ്രവീണിന്റെ അഭിപ്രായങ്ങള് ഭാവിയിലെ പ്രവര്ത്തനങ്ങള്ക്ക് എന്തായാലും
> പരിഗണിക്കുന്നതാണ്. സ്വന്തം പേരില് ഗ്രന്ഥശാല സിഡിയായി ഇറക്കുന്നതില്
> നിലവില് നിയമ പ്രശ്നങ്ങളൊന്നുമില്ല. എന്നെ സംബന്ധിച്ച് കുറച്ച് എത്തിക്കല്
> ബുദ്ധിമുട്ട് മാത്രമേ ഉള്ളൂ. :)
>
> കുറച്ചുകൂടി മെച്ചപ്പെട്ട രീതിയില് ചെയ്യാമായിരുന്നു. അനുഭവങ്ങളല്ലേ അടുത്ത
> പാഠങ്ങളാകുന്നത്.
>
>
>>
>>
>> എന്തായാലും പച്ചക്കള്ളം പറഞ്ഞ് വിക്കിമീഡിയരെ അപ്പാടെ ഒന്നരയാഴ്ച്ച
>> വിക്കിമീഡിയ പദ്ധതികളിൽ ടൈപ്പിങ് ടൂളില്ലാതെ ഇരുത്തിയ ഡവലപ്പേഴ്സൊക്കെ ഇതിൽ
>> പങ്കെടുത്തു എന്ന് കാണുന്നതിൽ സന്തോഷം.
>>
>
> ഈപരിപാടിയിലേക്ക് പ്രവീണിനെപ്പോലുള്ളുള്ള വിക്കിപ്രവര്ത്തകര്
> പ്രകടിപ്പിക്കുന്ന ഊരുവിലക്ക് പോലുള്ള സംഭവങ്ങള് ഒന്നും ഉണ്ടായിരുന്നില്ല. :P
> കൂട്ടായ്മയിലെ അഭിപ്രായവ്യത്യാസമുണ്ടായിരുന്ന പലരേയും കൂടിയിരുന്ന
> കാര്യങ്ങള് ചര്ച്ച ചെയ്യിപ്പിക്കാനായി എന്നത് തന്നെയാണ് എന്നെ സംബന്ധിച്ച്
> http://12.smc.org.in/ ഈ പരിപാടിയിലൂടെ കണ്ട ഏറ്റവും വലിയ വിജയവും.
>