Solly zämme!
Hüt het es schwyzer Wikipedianer-Träffe z'Züri schtattgfunde un es war rächt
interessant.
Eigentlich war es jo en normales Träffe wo sich alli Wikipedianer vo de Gegend
hen emol kennelehre. Mit dr Zyt isch abr no en andere Thema wichtig worde,
nämlich di Diskussion um d'Gründig vo me schwyzer Wikimedia-Verein.
MBimmler un Napa hen im Vorfäld scho d'Schtatute vom dütsche Wikimedia e.V.
gholt un an schwyzer Verhältnis abasst.
Übr sälli isch denn lang diskutiert worde, di beide hen erklärt worums bi
denne Änderige gange isch un es sin no wieteri Iwürf un Diskussione besproche
un uffgno worde.
Die aktuelli Fassig wie sie jetz de Foundation zugsendet wird cha me unter
http://meta.wikimedia.org/wiki/Wikimedia_CH/Statuten
finde.
Wichtig für als.wikipedia:
--------------------------
Mir hen unsrige Zueghörigkeit / Zämmearbet zuem Schwyzer Verein in de
Schtatute gfeschtigt. Mir sotte des als positive Alass ne sälber aktiver
uffzträte un wieteri Zämmearbete z'fördere.
De Poolpage war jo leider nit am Träffe, i ha ihn eigentlich wolle verbindlich
drum bitte, di abgmachti Änderig an de Schwyzer Portalsyte endlich vorzneh wo
gemäss de Abschtimmig uff
http://de.wikipedia.org/wiki/Diskussion:Schweiz#Auf_ch-portal_fehlt_Schweiz…
beschlosse worde isch.
Wichtig für d'schwyzer Wikipedianer:
------------------------------------
Wieteri Schritt:
- Schtatute übrsetze:
- änglisch: Ilja, drno wird ich si durch de maddog no gegeläse lo
- frabzösisch: Emanuel
- italienisch: Patrick
- romanisch: hämmer bi
rm.wikipedia.org mol agfrogt. Wenn sich öbber mäldet
isch guet, sunnsch beschtoht chei Bedarf un mir löhns bliebe.
DEADLINE: 30. Novämbr 2005
- Schtatute per Luftposcht (mit schwyzer Schoggi) verschicke: MBimmler
DEADLINE: 06. Dezämbr 2005
- de Trademark-Vertrag un d'Schtatute göhn denn irgendwenn zrugg an de
MBimmler, er wird di Sache uff d'Mailinglischt (wikimediach-l) poschte.
- denn gits e neui (chleini) Sitzig zuem ggf. nomol beschpräche un zuem
unterschriebe vom Trademark-Vertrag
- denn gits e Iladig zue dr Gründigsversammlig, Afang nächschtes Johr.
Wie scho gseit unterschtütz ich gärn de Verein un sini Gründig un schtand
jederzit als Kontaktperson odr so wie hüt als neutrali Person zuer Verfuegig.
Sälber deilneh wird ich abr nit will ich schon im dütsche Verein bi.
Interessant für alli:
---------------------
Wikipedia Junior / Simple...
De Jürg ([[Benutzer:Nofnof]]) het agregt, e Wikipedia-Version az'biete wo
Wikipedia-Inhalt inere lichtere Inhalt abietet. Es goht drum Jugendlichi (di
sich mit ere Wikipedia-Kids nit adressiere löhn) e eifachi un verschtändlichi
Enzyklopädie z'biete, grad für sonogi, wo ebe nit uffem Gymnasium sin, wenig
läse un inere normale Wikipedia numme Bahnhof verschtön odr wägem lange
Tegscht gar nümmi läse wenn.
-----------------------------------------------------------------------------
Chleinis Feature: E Template wo zB. {{Definition}} heisst un e churze Abstract
(ei, zwei Sätz) als Begriffserklärig beinhaltet.
Selli Begriffserklärig cha bi me Link als Title-Tag verwändet werde, schprich:
Wenn öbber im e Artikel mit de Muus uff en Link zueme andere Lemma fahrt, denn
kriegt er als Tooltip-Hilf e Churzdefinition (ebe sälli wo im
{{Definition}}-Template schtoht) azeigt.
I werd e Wikimedia-Teschtsyschtem uffsetze un sell als Patch zuer Verfuegig
schtelle.
-----------------------------------------------------------------------------
Wi am Träffe gseit organisiert de Ilja de Mäss-Ufftritt z'Lörrach an de
IT-Mäss vom 29. März bis zuem 02. April.
Drfür fehlt no d'Amäldig.
Wer mithälfe will un de Schwyzer Verein im Vorfeld oder d'alemannischi
Wikipedia dört verträte will isch härzlich iglade. Koordiniert wird säll uff
däre Syte:
http://de.wikipedia.org/wiki/Wikipedia:Treffen_der_Wikipedianer/Lörrach_2006
-----------------------------------------------------------------------------
So, des wars...
I freu mi auf regi Diskussione un Beteiligunge!
Manuel
[[Benuter:80686]]
--
---------------------------------------------------------
All-Things-Open Projektgruppe
m.schneider(a)all-things-open.org
---------------------------------------------------------
-----BEGIN GEEK CODE BLOCK-----
Version: 3.1
GCM d-- s:- a? C++$ UL++++ P+> L+++>$ E- W+++$ N+ o-- K- w--$ O+ M+ V
PS+ PE- Y+ PGP+ t 5 X R UF++++ !tv b+> DI D+ G+ e> h r y++
------END GEEK CODE BLOCK------