ભાઈઓ અને બહેનો,

વિકિસ્રોતની પ્રથમ વર્ષગાંઠ નજીક આવી રહી છે. ગઈ વખતે વેબગોષ્ઠિમાં જોડાયેલા મિત્રોને અને તેનો અહેવાલ વાંચ્યો/સાંભળ્યો હોય તેવા સૌને ખ્યાલ હશે કે આપણે એ ઘટનાની ઉજવણી માટે તૈયારીઓ શરૂ કરી દીધી છે. ટપાલયાદિમાં નવા જોડાયેલા સભ્યોને જણાવવાનું કે ગુજરાતી વિકિસ્રોત ૨૭ માર્ચના રોજ એક વર્ષનું થશે. આપણે તે વિકિસ્રોતની પ્રથમ વર્ષગાંઠ ઉજવવા માટે ગુજરાતી સાહિત્ય ક્ષેત્રે જાણીતી એવી સંસ્થા રૂપાયતનમાં એક ખાસ કાર્યક્રમનું આયોજન કર્યું છે. કાર્યક્રમની વધુ વિગતો વિકિસ્રોત:પ્રથમ વર્ષગાંઠ પરથી મળી રહેશે.

રૂપાયતન સંસ્થાનો ઘણો ઘણો આભાર કે જેણે આપણા આ કાર્યક્રમના યજમાન બનવાની તૈયારી દર્શાવી છે. તેમની અનુમતિથી આપણે આગામી ૩૧મી માર્ચને રવિવારના દિવસે સવારે દસથી એક દરમ્યાન જૂનાગઢ નજીકના ગીરનારની તળેટીમાં આવેલા ભવનાથ ખાતે આવેલી સંસ્થા રૂપાયતનમાં આ કાર્યક્રમ યોજીશું. સૌ વિકિમિત્રોને ભાવભર્યું આમંત્રણ છે. સાથે સાથે સૌને અનુરોધ છે કે વહેલી તકે અમને હું પણ ઉપસ્થિત રહીશ વિભાગમાં આપના આવવાનો અણસાર આપશો. આખા કાર્યક્રમનું સુદૃઢ આયોજન કરવા માટે ઉપસ્થિત રહેનારી વ્યક્તિઓના આંકડાનો અંદાજ એક મહત્વપૂર્ણ કામ છે.

• ૨૯ માર્ચ શુક્રવારે અમદાવાદમાં આવેલી ગુજરાત વિદ્યાપીઠમાં એક પ્રેઝન્ટેશન અને ત્યાર બાદ રસ ધરાવતા વિદ્યાર્થીઓ માટે નાનકડી વર્કશોપનું આયોજન કરવામાં આવ્યું છે.
• ૬ એપ્રિલને શનિવારે મુંબઈમાં 'ઝરુખો' કે જે સાહિત્યકારો અને સાહિત્યરસિકોનું ગ્રુપ છે તેમાં પણ એક પ્રેઝન્ટેશનનું આયોજન છે.

તમારા સૌના શુભાશિષો અને સાથ-સહકારની અત્યંત આવશ્યકતા છે. રૂપાયતનમાં યોજાનારા કાર્યક્રમમાં શક્ય તેટલા વધુ વિકિમિત્રો (વિકિપીડિયા અને વિકિસ્રોતમાંથી) ઉપસ્થિત રહે તે આશા સાથે,

આપનો આભારી,

ધવલ સુ. વ્યાસ