പൂങ്കാവനം സൈറ്റിന്റെ ലിങ്കുൾപ്പെടുന്ന ആദ്യ മെയിൽ വന്നതു് വിഷയസംബന്ധിയാണെന്നു ധരിച്ച് സ്വതസ്സിദ്ധമായി ആരും തുറന്നുപോവുന്ന വിധത്തിലായിരുന്നു. അതു സിഗ്നേച്ചറിന്റെ ഭാഗമാണെന്നു് എനിക്കും തോന്നിയില്ല. മറ്റൊരു വിൻഡോയിൽ തുറന്നുകിടന്ന പേജു് കണ്ടതും പിന്നീടായിരുന്നു. ഈ പേജു് എങ്ങനെ എവിടെനിന്നു വന്നു എന്ന ആശയക്കുഴപ്പത്തിനൊടുവിലാണു് മെയിൽ വീണ്ടും ശ്രദ്ധിച്ചതും അതിനു് ചർച്ചയുടെ വിഷയവുമായി ബന്ധമില്ലെന്നു മനസ്സിലായതും. വ്യത്യസ്ത താൽ‌പ്പര്യങ്ങളുള്ള പല മെയിൽ ലിസ്റ്റുകളിലും അംഗമായ ഒരാൾ പൊതുവായി/സ്ഥിരമായി ഒരു മെയിൽ സിഗ്നേച്ചർ ഉപയോഗിക്കുമ്പോൾ സ്വൽ‌പ്പം കൂടി ശ്രദ്ധിക്കുന്നതാവും മര്യാദയും സുരക്ഷയും. ഇത്തരം അവസരങ്ങളിൽ, ചേർക്കുന്ന ലിങ്കുകൾ സിഗ്നേച്ചറിന്റെ ഭാഗമാണെന്നു് വ്യക്തമായും മനസ്സിലാകുന്ന തരത്തിൽ ഉൾപ്പെടുത്താം. പേരു്, അതിനുകീഴെ ടെലഫോൺ നമ്പർ, ലിങ്കുകൾ തുടങ്ങിയ വിശദാംശങ്ങൾ എന്നിവ ചേർക്കുന്നതാണു് പൊതുവേ അംഗീകരിക്കപ്പെട്ട രീതി. കഴിയുമെങ്കിൽ വ്യക്തമായ അതിർത്തി തിരിക്കാൻ പാകത്തിൽ മുകളിലും താഴെയും വരകളും ചേർക്കാം. അത്തരത്തിൽ വ്യക്തമായും സിഗ്നേച്ചർ ആണെന്നു ദ്യോതിപ്പിക്കുന്ന ലിങ്കുകളും മറ്റു വിവരങ്ങളും പരിമിതമായി മെയിൽ സന്ദേശങ്ങളിൽ ചേർക്കുന്നതിൽ ഒരപാകതയുമില്ല. സ്വന്തം വ്യക്തിത്വത്തിന്റെ അവകാശവും സ്വാതന്ത്ര്യവുമായി അതിനെ കണക്കാക്കാവുന്നതേ ഉള്ളൂ. 2010/7/19 സാദിക്ക് ഖാലിദ് Sadik Khalid <sadik.khalid(a)gmail.com> അല്ല, www.ponkavanam.com എന്ന യു.ആർ.എൽ വിക്കിപീഡിയയുടേതോ, വിക്കിപീഡിയയുടെ _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l